最近網上有人再引述漁護署檢控數字，指非法露營嘅問題相當嚴重:
檢控事項 去年首三個月 今年首三個月 非法露營 15 98 進入已封閉場地 0 51 非法生火 2 43 亂拋垃圾 48 6 損毁植物 12 8 單車及汽車進入禁區 159 131 其他 17 5 總數 253 342
因「非法露營」被檢控嘅人士大幅上升，由去年15宗升至今年98宗。而「進入已封閉場地」嘅檢控數字，亦由去年0宗增加至今年51宗。「非法生火」由去年2宗上升至43宗。
數字不會說謊?
其實呢啲只係漁護署「成功檢椌」嘅數字，不足以反映現實情況，只可以話，署方更著力去打擊某方面違規行為。
事實上，唔少控檢數字亦有下降，當中亂拋垃圾由48宗下降至6宗，咁係咪代表少咗人亂拋垃圾? 當然不是。大家親眼同網上睇到，郊野公園嘅垃圾無少到。
非法露營問題嚴重?
作為營友，我知道嘅X位唔多，所以根本唔知非法露營問題係咪好嚴重。不過，筆者早前一篇文章亦講及，營地封閉超過300日，營友因為疫情無得露營，為咗全城抗疫營無可厚非，但係政府都唔可以厚似薄彼，容許市民唔戴口罩行山跑步，但又一刀切禁止露營同BBQ。
政府幾時可以放過營友呢?
資料: 《香港01》
留言 0