請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

25歲馮盈盈蝕揸鄺潔楹棄兵 做埋男友司機、去女家過夜斷正

東方新地 更新於 2020年05月24日23:55 • 發布於 2020年05月25日07:55

現年25歲的馮盈盈,去年底宣布與十優醫生男友鍾文浩(Martin)分手,前度疑似有長髮新歡陪看日落,馮盈盈亦被爆同大隻主播鄭衍峰(Leonard)撻著,一切重新出發。出名愛情至上,馮盈盈更不計較鄭衍峰冇樣、冇事業、冇家底,倒貼60萬新車畀男友任揸,愛得死心塌地的她,拍拖三個月已讓鄭衍峰入屋做半個男主人,日前鄭衍峰到女友家過夜便被本刊斷正。不過, 28歲的鄭衍峰原來並非省油燈,早有「女神收割機」稱號,借拍《 3日2夜》狂冧女,17年就曾向甜美嬌滴滴的哈比女神鄺潔楹大獻殷勤,不過卻遭女神嫌棄派檸檬,估唔到身高和人氣都高一等的馮盈盈,兩年後會接收鄺潔楹棄兵,今鋪真係蝕章!

撰文、圖片:東方新地

馮盈盈箍唔實多女埋身醫生男友

出名敢愛敢恨、愛情至上的馮盈盈,當年為醫生前度Martin早已全程奉獻,即使事業起飛,仍高調公開承認戀情,不怕妨礙演藝前途,去年更倒貼首期幫Martin置業,即使物業冇加入自己名亦唔計較,又做埋阿四負責買家品布置新居及煮飯打掃一腳踢,可惜廿四孝女友箍唔實多女埋身的醫生男友,最終分手收場!

有愛情滋潤的馮盈盈,日前出席公司宣傳活動全程如沐春風,轉了新髮型的她更容光煥發,錄影完節目,馮盈盈即趕去會合男友。
參選港姐時已經承認有個十優醫生男友鍾文浩的馮盈盈,經常高調晒愛,三句唔埋便將「寶寶」(鍾文浩暱稱)掛在嘴邊
去年更瞞住父母貼埋首期幫男友買樓,新居連自己名都冇亦唔介意
廿四孝女友為給男方安全感,更不時帶同男友出席圈中聚會,之前就試過帶同男友與麥明詩、陸浩明慶功,可惜最終仍箍唔實醫生男友分手收場。

《後生仔傾吓偈》主播鄭衍峰大膽直接攻陷芳心

回復單身再放盤,有樣有身材有學歷的馮盈盈當然不愁冇人追,更火速有觀音兵埋身,因拍J2台節目《後生仔傾吓偈》與主播鄭衍峰撻著,被指推薦男方上節目,又被拍到除夕一齊拍拖行超市,雖然未肯公開認愛,但馮盈盈就享受人前人後晒恩愛,不避嫌與鄭衍峰經常合體出節目,再次貫徹其愛是全奉獻精神,連60萬新買愛車亦畀男友任揸,搬離前度何文田舊愛巢後以19,000元租住深水埗新居,又讓鄭衍峰入屋變半個男主人,早前各自Po相亦見同一張網墊,疑似在家玩煮飯仔。據知情者透露:「同Martin分手嗰段
時間,盈盈成日孤伶伶一個人好唔習慣,身邊朋友都好擔心,怕佢悶成日會搞聚會開解佢,Leonard(鄭衍峰)就因為拍《後生仔傾吓偈》加拿大特輯,同一班『後生仔』主持熟絡咗,佢知道盈盈甩拖,成日借機約盈盈帶佢周圍去玩,對盈盈照顧周到,女人寂寞時好想有倚靠,Leonard喺《後生仔傾吓偈》節目入面《盈盈的單身派對》『Speed Dating 』度更大膽直接表白,好快已經攻陷女神芳心!佢兩個喺電視城出雙入對,班拍檔一早知情,加上大家係年輕人,Leonard早就融入『後生仔』堆,盈盈仲成日推薦男友畀監製,等佢有多啲出鏡機會!」

馮盈盈去年底宣布和十優醫生男友 Martin分手,前度早前就被拍到拖長髮新歡看日落,而馮盈盈亦被指撻著娛樂主播鄭衍峰三個月,各自各精彩!
有指馮盈盈引薦鄭衍峰拍《後生仔傾吓偈》的《盈盈的單身派對》,節目上與另外八個男仔追盈盈的鄭衍峰,在「 Speed dating」環節就因真情剖白:「希望盈盈女神可收我做你條仔,必定每天愛你多一些!」成功打動女神,兩人在節目上更上演蝦條之吻!
《盈盈的單身派對》上,鄭衍峰更攝到靚位經常黐實女神。
馮盈盈與鄭衍峰早前一齊上新一輯《後生仔傾吓偈》節目,馮盈盈更出手幫男友驗胸,測試對方有冇外傳的43吋胸肌,公然大耍花槍!
馮盈盈鄭衍峰早前在個人 IG的限時動態,分別上載了同一款金色網狀枱墊,揭示二人疑似同居玩煮飯仔!
25歲馮盈盈蝕揸鄺潔楹棄兵 做埋男友司機、去女家過夜斷正

鄭衍峰曾拍《 3日2夜》狂冧鄺潔楹

本來寂寂無名的鄭衍峰,因女友馮盈盈而廣為人識,更一度被誤傳是有米富二代,但其實長居溫哥華的父母只是打工仔,鄭爸爸是航空公司工程部維修人員,而鄭媽媽則是電器店售貨員,不過,畢業於著名學府英屬哥倫比亞大學(UBC)的 Leonard,即使不是高富帥一樣好有自信,讀書時已經鍾意操肌冧女,更因為43吋發達胸肌及六嚿腹肌而被《 3日2夜》監製睇中,曾拍攝多輯《 3日2夜》,在女神鄺潔楹、陳詩欣及蘇可欣身邊團團轉,借拍節目狂冧女,更因而有「女神收割機」稱號。17年便因為拍節目狂追哈比女神鄺潔楹,不過,家境富裕的 Judy(鄺潔楹),身邊早有唔少富貴兵,對外形一般的鄭衍峰根本睇唔上眼。

鄭衍峰17年與鄺潔楹合拍《3日2夜》,當時仲有幸被安排與女神一齊浸溫泉,一早對嬌滴滴身材有睇頭的Judy(鄺潔楹)嗒糖的他,即使大獻殷勤亦無功而回,未有被哈比女神垂青。
其貌不揚的鄭衍峰最愛在社交網晒其43吋胸肌。

女神馮盈盈唔怕蝕底 甘做男友司機

追鄺潔楹事敗又如何,勇字行頭的鄭衍峰,卻越級媾掂上位女神馮盈盈,絕對賺突。日前在電視城錄影完節目的馮盈盈,即急不及待揸車趕去接男友鄭衍峰一齊返家度春宵,當晚她將車駛至寓所隔籬的南昌薈停車場,先在停車場門口接男友,不過當車駛上三樓停車場時,二人發現記者,鄭衍峰即煞有介事緊張落車,一個人逃去商場位置搭𨋢走,而本來要將車泊在南昌薈停車位的馮盈盈,亦直接將車駛返匯璽寓所,明顯鄭衍峰唔想被影到同馮盈盈一齊行返家,刻意兜路再上女友家。相隔兩日,馮盈盈又做司機,駕車載同男友由寓所出發返電視城開工,看來前一晚又在女友家過夜然後孖住返工,但到達電視城兩人卻刻意扮分道揚鑣,盈盈先在電視城外放低鄭衍峰,再獨自駕車入電視城停車場。外表精明的馮盈盈,一墮情網便變得盲目,但願女神唔好倒貼成癮,不能自拔啦!

馮盈盈駕駛其60萬新車去到寓所隔籬的南昌薈停車場,在入口位接埋男友鄭衍峰,然後駕車上停車場三樓泊車,本欲泊好車一齊行天橋返對面匯璽寓所的兩人,發現記者即變陣,鄭衍峰一個人落車,緊張轉去商場搭𨋢,而馮盈盈就自己駕車返匯璽,分頭上屋企,無私顯見私!
25歲馮盈盈蝕揸鄺潔楹棄兵 做埋男友司機、去女家過夜斷正
鄭衍峰一個人落車逃去商場搭𨋢,當日所用的背囊經常在他 IG相片內出現。
25歲馮盈盈蝕揸鄺潔楹棄兵 做埋男友司機、去女家過夜斷正
除了畀新車男友任揸,馮盈盈還不時做埋男友司機管接送。呢日馮盈盈就親自揸車載同男友鄭衍峰一齊離開深水埗寓所齊返電視城開工!
車駛到電視城附近因塞車關係停低,兩人發現記者表現驚青,鄭衍峰指向前方示意馮盈盈讓他下車。
鄭衍峰落車後,一個人行入電視城。
放低鄭衍峰,馮盈盈就將座駕泊入電視城內的停車場,刻意前後腳!