杜汶澤11月在九展舉行的兩場Talk Show「杜汶澤《Stand Up Hong Kong》香港企硬」門票今朝(14日)開賣，火速一小時就已經賣完飛。之後杜汶澤出長文感謝觀眾，還說即時和場地方面傾傾，決定加場，早前在宣傳片爆粗撐老公的田蕊妮亦有留言：「你仲寫咁多嘢！快啲搞掂個場佢呀！加得幾多得幾多啦！」
杜汶澤Talk Show門票今早開賣，一小時就賣晒兩場飛。之後阿澤再出post表示準備加場：
「呢幾年令我學識咗，有志氣嘅同時，要有智商，凡事都要計過度過至好去。做生意唔同做藝人，任何決定都要考慮清楚，自己錢，小心啲好。有自信更加唔代表自大，態度要夠硬淨，內心要保持住一份謙遜。當公布咗做兩場之後，有個自己都有做過talkshow 嘅朋友即刻打嚟鬧：『有冇搞錯呀你？應該開20場啦！』
朋友好有心，俾咗好大嘅信心我，但係我依然認為，世事無常，唔敢開咁多場！
頭先同事打嚟，話大家一個鐘就買曬啲飛，對眼即時濕咗。好感動。
噚晚做完live揸車返屋企，響吐露港公路，突然間覺得，收工，最緊要係輕鬆下，返到屋企，就放低曬所有嘢。
所以我決定，要俾大家一個奇妙嘅旅程，120分鐘之內，感受到咩叫『滿足』。
黃藍是政見，努力是良知！
不過有一點大家要留意，我唔係黃子華，如果做唔到我講嘅效果，我係唔會回水嘅。
既然大家咁踴躍，我決定加場，死就死啦！即刻同場館方面聯絡！盡搞！
等所有嘢confirm 曬，就即刻公布。
我愛你哋！放心，幾多我都愛得曬！」
漫天烽煙，呢個城市彷彿再無喘息空間。 但面對壓迫，只要有一息尚存，定必作戰到底。 香港人，你過去嘅六年，又係點過？ ==================== 【5月14日10AM，快達票網站撲飛！】 桔梗 誠意懲罰…