往年農曆年初一至初三是公眾假期，去到年初四就要告別長假上班，個個都「年初四咁嘅樣」。今年年初四仍是公眾假期，有多一日假除了可以重溫「年初四咁嘅樣」的出處《行運一條龍》，亦可睇多幾套周星馳經典電影，無論是否賀歲片都有不少金句，今時今日都可以隨時用得著。
「年初四咁嘅樣」《行運一條龍》
「年初四咁嘅樣」六個字每年都直接重擊全港上班族的要害，笑中有淚。金句出自1998年由周星馳、吳君如、吳孟達等主演《行運一條龍》中的經典對白之一。對白節錄如下：
星爺：「咩話？年初四咁嘅樣？」
甜筒輝（鄭文輝）：「做咩面都青埋嘅？」
達叔：「年初四，假又放完，錢又使晒，工又要返，點會有好樣呀！」
「人生有個真正朋友的確好極，飲勝！」 －《家有囍事》
《家有囍事》可說是最經典的港產賀歲片之一，1992年上映時總票房4900萬港元，刷新當時香港票房紀錄。5年後推出續集《97家有囍事》；2016年農曆年，天馬電影把當年韓國版加插的槍戰片段重新包裝上映，名為《家有囍事加長版》。
「做人如果冇夢想，同條鹹魚有咩分别呀？」 - 《少林足球》
2001年上映的《少林足球》全球上映的累計總票房約5000萬美元，是第一部在歐洲大規模上映的周星馳電影。雖然上畫時不是賀歲片，但每年農曆新年的電視重播率都非常高。
「就算係一張廁紙、一條底褲都有佢本身嘅用處㗎嘛。」《國產凌凌漆》
於1994年上映的《國產凌凌漆》講述一個中國落魄特工勇破強敵，尋回國寶的故事，當中有不少中國大陸特色橋段，營造誇張的搞笑效果，這類電影只會買少見少。
「你大鑊喇！方丈份人好小器㗎！」 －《食神》
「你大鑊喇！方丈份人好小器㗎！」是周星馳1996年電影《食神》的情節，一名和尚說方丈（夢遺大師，劉以達飾）好小器後，被跳進來的夢遺大師一掌擊斃。近年不少人引用「方丈」來形容沒氣度的大企業，例如TVB。
「琴日，我菲律賓工人行過街市，聽到有個賣魚佬講話有條友仔叫做賭神，係你。哈哈！我當堂嚇一跳，然後得啖笑。呢個世界，居然有人自稱為賭神。」 －《賭聖》
事隔30多年，仍然有不少人引用「我當堂嚇一跳，然後得啖笑」這句金句。
「曾經有一份至真嘅愛情擺喺我面前，但係我冇去珍惜，到冇咗嘅時候先至後悔莫及，塵世間最痛苦莫過於此。如果個天可以畀機會我番轉頭嘅話，我會同個女仔講我愛佢；如果係都要喺呢份愛加上一個期限，我希望係，一萬年。」 －《西遊記大結局之仙履奇緣》
這段可說是周星馳最浪漫的經典愛情金句。《西遊記大結局之仙履奇緣》是1995年上映的賀歲片，前作是《西遊記第壹佰零壹回之月光寶盒》。此片跟一般搞笑賀歲片有別，當年在香港的票房和口碑皆失利，但多年來電視台不停重播，加上內地出現各種《西遊記》的解讀，令此片被捧為周星馳的神戲之一。
撰文：機