請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

靠女友增值 吳業坤厭惡是非八婆行開

on.cc 東網

更新於 2020年05月14日22:17 • 發布於 2020年05月14日22:17 • on.cc 東網
30歲嘅吳業坤無論事業定係愛情都要重新出發。
30歲嘅吳業坤無論事業定係愛情都要重新出發。
捱過扮棋跟住爆紅~
捱過扮棋跟住爆紅~
可惜之後踏入歌唱事業踏入第二次低潮期~
可惜之後踏入歌唱事業踏入第二次低潮期~
吳業坤睇中日本市場~
吳業坤睇中日本市場~
密密學日文為進軍鋪路~
密密學日文為進軍鋪路~
經歷過咁多是非之後吳業坤怕怕~
經歷過咁多是非之後吳業坤怕怕~
所以佢嘅另一半目標希望係圈外人~
所以佢嘅另一半目標希望係圈外人~
希望將來可以同女友互相激勵、進步。
希望將來可以同女友互相激勵、進步。
除咗Aka係吳業坤嘅女神之外~
除咗Aka係吳業坤嘅女神之外~
孫慧雪都係喎!
孫慧雪都係喎!
姜麗文是坤坤 的日文老師。
姜麗文是坤坤 的日文老師。
吳業坤於《大醬園》中佔戲甚重,與龔嘉欣有不少對手戲。
吳業坤於《大醬園》中佔戲甚重,與龔嘉欣有不少對手戲。

「男人三十而立」!剛踏入30歲的吳業坤,無論唱歌事業或情路都要重新出發,除為進軍日本樂壇鋪路外,還自爆已有心儀對象,不過新女非他「溝慣溝熟」的電視台小花,亦不是娛聞每事問的「八婆」。

吳業坤(坤坤)10年前參加《超級巨聲2》唱歌比賽後竟然跟歌唱絕緣,在無綫五年來扮棋做閒角度日,到簽了前唱片公司備受力捧,即由地底泥變萬人迷,橫掃各大歌曲獎外,更舉行紅館處男騷,只是隨着轉換唱片公司,歌途似走下坡。面對歌唱事業上陷入「第二個低潮」,坤坤雖天生一副「戇男」樣,但面懵心精,已積極為到日本樂壇「插旗」的心願鋪路:「讀緊日文,準備考埋第一級,細個好迷動漫,有同朋友講過,如果之後去日本,唔使再靠翻譯好寫意,所以就的起心肝去學。」他更鳴謝「女補習老師」:「多得講到流利日文嘅姜麗文啟發,佢仲用另類教學訓練我,就喺其他人面前,毫無顧忌咁用日文講是非。」

厭惡是非 告別女神

生於基層家庭的他,人窮志高,專向女神級埋身,曾成功戀過兩大女神Super Girls成員Aka及孫慧雪,就算分手後,單憑天賦的口甜舌滑,亦溝過無數電視小花如吳若希、龔嘉欣、黃翠如、鄧佩儀等10多位外,更越級挑戰氹掂埋「阿姐級」的薛家燕、汪明荃及馬海倫等,總之「無女不歡」。問到下一個女星目標是誰?坤坤自爆已有「鍾意嘅人」,但就「轉死性」不再愛女星:「傾向搵圈外人,始終呢行唔係咁穩定,一個人就已經夠多是非,兩個人一齊唔係『加數』,係『次方』,加上同圈外人拍拖,個世界會再擴闊啲,接觸嘅嘢唔同,話題就自然多。」

更講到明好憎「八婆」:「唔好成日問八卦新聞,我想要可以互相激勵、進步嘅女友。」承諾不怕公開新戀情,只是現階段要「有所保留」:「依家太多未知之數。」不便講新女友,可是為滿足外界的好奇心,坤坤話有另一個女人可以分享:「阿媽Order我努力搵錢最實際。」

專屬角色 試闖影壇

做電視男一未係時候,曾被提名金像獎「最佳新演員」的他,可考慮勇闖電影界殺出血路?坤坤認為要先遇上一個度身訂造的專屬角色,個人偏愛拍愛情小品電影:「發揮自己最擅長嗰面。(即係溝女方面?)或者畀人溝都得㗎!唔需要愛得轟轟烈烈,有共鳴先最緊要,唔一定要演奸角、有絕症呢啲角色去突圍,目前繼續儲經驗。」

奇特個體 小生冇份

談及搵錢,有指現時無綫小生正鬧逃亡潮,正好是上位再開財路的黃金機會,他卻謙稱「未夠班」,自知一副「奇特個體」非典型小生相:「何廣沛、張振朗喺我心目中先叫上緊位,我仲徘徊緊,好珍惜每次講對白嘅機會,歌手身份大家認同我,演員大家又開始認同我,我唔心急,想兩邊努力鑽研,如果一嚟就畀個好重嘅角色我,都未必Handle到。」

東網網站 : https://on.cc/

東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0

留言 4

  • 桑妮
    歌又唱唔好,戲又做得衰,個款勁核突仲要成日扮毒,人地日本大把人才㗎,唔該有d自知之明唔好去日本嚇人啦😩
    2020年05月15日02:57
  • 家喜
    入行冇耐就成為新一代淫棍,算你有福氣架啦,不過做衰個朵吖🤣🤣🤣🤣
    2020年05月15日01:49
  • Kenneth Chu
    記得去拜狐仙
    2020年05月15日01:30
  • StaySimpleStayHumble
    你啲同事個個都咁靚 唔係話你份人唔好 真係唔襯 唱好啲歌先啦
    2020年05月15日00:06
顯示全部