韓團EXO前內地成員黃子韜嘅富豪爸爸去年離世後，留下240億元人民幣遺產，富二代升呢坐正，佢積極商界同娛樂界雙線發展，估唔到年輕又有諗頭嘅佢，依家仲加盟電競界陣線，宣布以明星合夥人及聯席CEO身份加盟佛山GK電子競技俱樂部。
雄心壯志嘅佢，加盟第1件事就係想帶領團隊走向比賽冠軍，仲訂晒隊服Show Off，更豪言佢自己電競技術一流：「這個賽季，朝着KPL冠軍發展（盡力）以後我們一起成長。等訂製的YKYB隊服到了記得秀一下。要上分的話不用我的隊員，我就可以帶哈哈」網友就留言表示等睇佢哋拎世界冠軍，到時黃子韜身家分分鐘再跳級，成為中國圈中最高身價藝人。
東網網站 : https://on.cc/
東網Facebook專頁 : https://www.facebook.com/onccnews/