張彥博喺《跳躍生命線》飾演嘅「雄姐」喺上星期五嗰集不幸離世。網民們都大叫不捨，仲有人話睇到呢一幕忍唔住流眼淚！
話說前一集「六號」無啦啦遞信辭職，但竟然冇第一時間同好兄弟「雄姐」同「傑仔」講！傑仔透過細佬先知道呢件事，然後同一晚佢就同「六號」促膝把酒，順便問佢點解要辭職！點知「六號」揜住良心咁話：「我根本唔鍾意做醫生！唔好講到做救護員咁偉大！一日最多上門量吓血壓，度吓心跳！我唔屬於救護員呢個世界！」
雄姐知道傑仔同六號鬧交之後，就不斷努力充當「和事佬」。趁休息室冇人，就同六號講：「我哋講到明三兄弟要齊上齊落咖嘛！仲有啊，我啱啱先考到救護車車牌，都未同你一齊出更！」
之後又扮晒有感情問題，「呃」咗佢兩個出嚟，三兄弟「一酒抿恩仇」。「雄姐」仲「好特登咁借啲意」玩true or dare，希望「六號」講出辭職嘅理由。
聰明嘅六號又點會估唔到佢哋嘅用意，遊戲未開始就自爆：「我大學係讀醫嘅，但去到Year3 壓力真係好大，所以我冇再讀落去。我成家都係做醫生，得我做唔到，我覺得好失敗，所以就收埋自己喺屋企，變到好自閉！」
「我爸睇唔過眼，想我繼續讀書。但我嫌佢煩，仲自己搬咗出去住。扮咗出去冇幾耐，佢就唔喺度！」「佢走得好突然。過咗一排，我先知佢留底咗份遺產。但係要攞呢份遺產有一個條件：就係要做一年救護員！」
傑仔聽到六號做救護員係為咗錢之後，就發脾氣走咗！雄姐同傑仔離開之後，六號聽番佢爸爸生前Send畀佢嘅錄音，完美表達「樹欲靜而風不息，子欲養而親不再！」，趕唔切孝順、趕唔切講再見嘅遺憾，實在令人催淚！
之後，雄姐不斷搵方法做「和事佬」，用咗「最小學雞」，又好work嘅方法，解決兄弟不和。雄姐同六號講：「你唔係嬲啊？啊傑小氣啫，你唔係同佢一樣啊？」調轉頭，佢又同傑仔講：「你唔係嬲啊？六號小氣啫，你唔係同佢一般見識啊？」就好似現實中，總有個朋友充當和事佬，令你同朋友們雖然會鬧交，但最後都可以和好如初，做一輩子嘅朋友！
兄弟和好，可惜好景不常。雄姐同傑仔、六號一齊出勤處理食物中毒嘅Case。點知事發大廈係一棟危樓，大廈崩塌，雄姐由2樓跌落地下，頭部落地，送院搶救後證實不治！傑仔好內疚，如果當初佢冇同雄姐調位，雄姐就唔洗死！
之後播出雄姐生前片段，由入「花灑」（救護學院），一齊艱苦訓練，由同學變朋友，再變兄弟，所有嘅片段，一點一滴，都呈現喺觀眾眼前。雄姐最後仲講咗句：「各位手足我落更先啦，Good Day！」
呢一集，有好多關於生離死別嘅情節：六號爸爸突然離世、愛姐中期肺癌變末期、雄姐出勤遇意外離世……雖然好老套，但生死有命，唔好失去咗先識得珍惜，否則抱憾終身！
雄姐亦都因為拍呢一幕而整親條頸，休養咗4個月。佢敬業精神值得我哋佩服！
在 Instagram 查看這則貼文
謝謝大家關心， 我超越自己了~ 想說做什麼工作都要小心呢～ I am ok now? #辛苦但係值得?? #跳躍生命線
張彥博（@bobcyp1005）分享的貼文 於 PDT 2018 年 11月 月 2 日 下午 9:00 張貼
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0