請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

高海寧孖黎諾懿馬國玩火 晒結實玉背怕醜掩心口

on.cc 東網

更新於 2023年11月02日12:01 • 發布於 2023年11月02日12:01 • on.cc 東網
高海寧同黎諾懿玩轉馬來西亞。
高海寧同黎諾懿玩轉馬來西亞。
高海寧露結實玉背。
高海寧露結實玉背。
一齊睇靚景。
一齊睇靚景。
大玩越野電單車體驗!
大玩越野電單車體驗!
相當興奮!
相當興奮!
「天空之鏡」影靚相!
「天空之鏡」影靚相!
合體送心心!
合體送心心!
點少得打邊燼!
點少得打邊燼!
怕醜掩心口!
怕醜掩心口!
欣賞火舞表演!
欣賞火舞表演!
小心呀!
小心呀!

藝人黎諾懿主持的無綫節目《隨懿深度行》邀請好友高海寧(高Ling)擔任嘉賓,二人齊齊玩轉位於馬來西亞南部的雪邦,高Ling坦言對旅程充滿期待:「我要今次旅程係好舒服、歎、放鬆心情同埋吃喝玩樂!」諾懿當然盡力滿足她的要求,兩人首先參觀下榻酒店,房間闊落舒服之餘,走出露台更可飽覽無敵大海景,令高Ling大嘆猶如置身馬爾代夫!穿上靚靚露背裝、大晒結實玉背高Ling,面對靚景表現興奮。之後他們又大玩越野電單車體驗「速度與激情」,想不到高 Ling原來勁玩得,一邊開快車一邊興奮大叫,又不忘伸脷賣萌,大晒可愛童真一面。

今次旅程有動亦有靜,諾懿帶高Ling體驗傳統手工藝蠟染,高Ling製作手工藝時透露:「我好鍾意畫畫,依家都學緊油畫,想開個畫展做善事。」塗色時看似雞手鴨腳的諾懿,最後製成品竟然十分出色,高Ling笑言:「估唔到佢咁有藝術細胞,可能係跟佢個仔學,佢之前唔係咁㗎!」之後兩人去到當地「天空之鏡」沙沙蘭海灘影錯覺靚相,兩人一時扮被風吹走、一時又大戰哥斯拉,最後更合力做出巴黎鐵塔反轉再反轉,玩得不亦樂乎!

美食方面,兩人大歎忘不了魚和啤酒火鍋,高Ling食魚時不小心將魚鱗掉落心口,她即時掩住心口露出害羞表情,狀甚可愛。去得馬來西亞指定動作之一當然是食榴槤,她亦趁機澄清自己並非如傳聞中一樣十分愛吃榴槤:「其實係個美麗的誤會,有一次拍旅遊節目,有人問我鍾唔鍾意食榴槤,我話我媽都鍾意食,我就唔抗拒。大家知道我願意食榴槤後,就流傳成我好鍾意食榴槤!」

節目尾聲,二人在沙灘一邊享受晚餐一邊欣賞火舞表演,高Ling觀賞時已投入度一百分,既擔心表演者安全問題,又忍不住被眼前的精湛表演吸引到尖叫連連;之後更獲邀參與火舞表演,事後她興奮地說:「當下嘅感受係好投入、好開心,雖然我唔驚火,但都會緊張,有一種腎上腺素飆升感覺!」

東網網站 : https://on.cc/東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0

留言 0

沒有留言。