【陳柏宇「Fight For」嘉賓對談】《FWD 富衛保險呈獻：陳柏宇 Fight For _ Live in Hong Kong Coliseum》將於2021年12月10及11日舉行，今次陳柏宇（Jason）的演唱會以「Fight For」為主題，引起全城思考人生中為甚麼而奮鬥。早前Jason亦找來不同界別人士分享他們的奮鬥故事，當中包括香港滑板運動員陸俊彥，Jason與對方各自分享了對事業的看法，Jason更借機請對方教他滑板，過程展現了奮鬥過程應有的堅持。
Jason本身有滑雪的底子，所以拍攝當日跟陸俊彥學踩滑板時，很快便上手，在拍攝完成時已可以輕易用滑板落樓梯，就連陸俊彥都大讚Jason「有料！」不過Jason全程還是戰戰兢兢，更笑言既想戴頭盔，更想戴護膝保安全，他說：「我寧願俾人笑，好過整傷。」
二人一同踩板，雙方都有挑戰動作失敗的時候，但陸俊彥仍然笑笑口，他解釋道：「滑板係開心為主，就算失敗都要開心，你要deal with（應付）佢，因為佢會一直陪住你，如果面對失敗都係好唔開心，你就唔會鍾意呢樣嘢，因為你會覺得好辛苦。」Jason也很認同對方的想法，並說：「我覺得失敗係一件好事，唔失敗點樣知道成功條路點行？我幻想唔到從來冇挫敗感嘅話，會係點樣一回事。有時失敗都過癮，因為會有種吊癮嘅感覺。」
在失敗的過程中，其實還要有一份堅持。陸俊彥指自己那份堅持來自對滑板的熱愛，因為鍾意，所以才能做出成績，成為運動員，他說：「所有嘢都係自然發生，就係我淨係鍾意玩，因為好彩有sponsor，令到我可以飛去外國，或者變成職業滑板仔。其實只要全程投入做好佢，側邊啲嘢就會發生。」Jason也分享了自己在歌唱事業上如何迷失，到直至找到堅持到底的經過，他說：「以前細個唱歌、唱K純粹鍾意唱，冇好努力去奮鬥，好多時都係隨遇而安，甚至成日睇唔起自己，覺得自己唱歌以外樣樣都掂下，樣樣識少少，但唔知邊樣可以發展成一樣事業。我由細到大都唔知點去堅持一啲嘢。而家做咗歌手，知自己唱得唔好，大家唔識睇嘅嘢我都識睇，知自己能力去到邊，冇人俾我更加覺得我渣。因為真係渣，所以先去學唱歌，但亦想收埋唔俾人知自己走咗去學唱歌，因為又驚變咗賣弄。」Jason收埋的，還有他的內斂隱藏個性，他說：「以前攞獎，有時人哋會覺得我好串，想讚你，你都唔接受，但原因係我覺得我冇做過一樣嘢係值得你去讚，所有嘢都係營造出嚟。」
Jason為了歌唱事業而奮鬥到底的執著，正好印證了演唱會「Fight For」的主題，也對應了新歌〈對得起自己〉中的歌詞：「最渺小的位置但最拼命，這是霸氣。」的那份型格。
《FWD 富衛保險呈獻：陳柏宇Fight For _ Live in Hong Kong Coliseum》
日期：2021年12月10日及11日（星期五及六）
時間：晚上8時15分
地點：紅磡香港體育館
票價：$780 / $580 / $380
門票現已於城市售票網公開發售
城市售票網網址：http://www.urbtix.hk
#陳柏宇 #FightFor #演唱會
#香港製造 #MadeInHongKong #香港人撐香港音樂
----------------------------------------------
👍🏻 Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
🏆 谷撐音樂流行榜：https://bit.ly/3q6yB0l
留言 0