臨時咗一世紀嘅臨時街市　帶你發掘當中美食！

📍華香園
呢間好似老細出名過嘢食🤣
秘製豬扒飯豬扒薄身夠味
加埋秘製豉油好邪惡但大滿足
基本上每張台都係豬扒雞翼麵/飯
配埋瓦煲熱奶茶真．港式味道

📍鴻記粉麵飯
行過老細就好熱情咁介紹最出名嘅手切鮮牛肉乾炒牛河～
牛肉嘅口感好過其他餐廳，係好真實嘅肉質口感。
炒河偏乾身，唔算好油膩，美極味偏濃。
絲襪奶茶都好正宗，整體都不錯 👍🏻

📍文記茶檔
食完兩個正餐之後，小編真係食唔落喇
呢度嗌埋個咖央西多士試吓
整體覺得個西多士唔算好甜
咖央味都好香
麵包口感軟熟同埋都算厚身
-
本影片非廣告贊助，歡迎金主打賞。