香港婚後事｜姚子羚親揭單身之謎 仍憧憬愛情 拒與小鮮肉拍拖

《香港婚後事》今晚（23日）播出第9集，嘉賓是姚子羚（Elaine）。作為單身貴族，Elaine對愛情仍有憧憬，但不會強求，她說：「唔係要搵一個人結婚，而係要遇到一個適合你嘅人，我𠵱家唔係去求職，對我嚟講婚姻係一生一世嘅事。」

賴慰玲問她曾否遇過想結婚的對象，Elaine坦言有：「但𠵱家回頭望番，嗰個人並唔係可以同我行落去嘅人，可能我最終會離婚，當你唔開心、迷惘時候，往往呢啲人走出嚟嘅時候，通常都係錯嘅，因為你喺最迷失嘅時候，只要有個人行埋嚟，你就會覺得佢好好，經歷咗呢啲事你就realize，啱就係啱，唔啱就係唔啱。」

之後講到姊弟戀和異地戀等話題，Elaine自爆讀書時試過異地戀：「嗰時喺澳洲讀書，男朋友係馬來西亞人，讀完書之後我返咗嚟香港，佢就返咗馬來西亞，最終就分開咗，雖然我嗰時係讀communication，但我本身唔係好識communicate。」

黎諾懿問Elaine能否接受與廿多歲的小鮮肉拍拖？Elaine笑言：「廿幾歲，正吖！」之後再認真說：「我諗我未必得，雖然我Keep得幾好，我望落去都似廿幾歲之嘛，如果（相差）5年之內就OK。」

（即時娛樂）