TVB節目《東張西望》近日連續報道一名76歲何伯與比他年輕30歲的內地婦人的家庭糾紛。兩人認識兩個月便閃婚, 5名子女質疑內地婦的動機,女兒將聯名戶口內的450萬銀行存款轉走,何伯聯同新妻子上《東張西望》申訴事件。
有網民發現,何太出鏡時身上的行頭估計逾36萬,引起網上熱議,何伯更被封「提款基2.0」。今日(5月8日)有網民以「迷魂湯何太身份大揭秘」為題發片,指何太不是第一次結婚,更有指對方是專業騙子:「佢話自己係46歲,其實係43歲,仲有一個20幾歲嘅仔,對方就喺內地居住冇嚟到香港。」
該網民爆料,指何太已是第3次結婚。第一次在內地結婚並誕下一名兒子:「離婚後,佢自己落咗嚟7年後就拎到身份證,之後再同第二任老公離婚,跟住就排公屋。」該網民指因何太打現金工,因此能通過入息審查:「佢幫一啲公司屋邨商場嘅檔口打散工,出現金糧,所以就冇畀人查。」
該網民又指何太去年認識何伯,結婚一個月後就要對方提款拿一百萬,但因何伯的子女識穿何太的「詭計」,立即轉走何伯戶口的錢。不少網民指該網民只是一面之詞,希望《東張西望》會查明真相。
留言 58
🐨
BEST
阿伯醒啦,鍾意你,貪你條野夠軟咩?
05月08日10:21
西多士
BEST
好奇,第一次結婚係同香港人?如果唔係就冇辦法黎香港拿身份證!第二次離婚應該都係為咗公屋。應該搵佢啲前夫出黎做訪問,就知個大媽係乜人!台灣有套戲叫《惡女》,同呢單野有啲似
05月08日10:47
TTY
BEST
稅局認真唔好咁懶了。鄰居日本韓國的稅局會重點追查cash工,出盡法寶包括跟蹤、竊聽等等合法手段去蒐證,雖然是人民公僕,納稅人出糧無你符,KPI點都要睇得下掛,費事俾人話稅金小偷
05月08日10:47
Ivirene
視覺係63囉😅😅
05月08日11:35
Bowie
本來報46,大家都覺得佢唔止,仲要話佢實際係43,講佢53都冇人懷疑吖
05月08日11:38
顯示全部