繼去年《漂漂亮亮地死去活來》後，沉寂8個月後趁出道20周年，藍奕邦為大家帶來全新90年代house曲風《男孩子!》，一身妖冶造型的他，更帶同4位小鮮肉：鍾岳軒、陳威銘、 劉大澄及阿元，於台北街頭風騷出行拍MV，更表示：「藍奕邦唔係食老本。」
大玩90年代house曲風 相隔12年與洛杉磯音樂人全新打造
今次的新歌《男孩子!》可說是延續《晚晚禮拜六》及《青春於舞池流逝》的舞曲，相隔12年後的創作，指當年社會風氣與現時不同，創作這類型的歌曲不夠暢快，總是「勒住勒住」，他說：「我覺得自己仲未做到首放落舞池嘅快歌，我想做一首Gay Disco Anthem，係時候嚟個Update。來到2024年可以開放啲、去盡啲去做呢類型嘅嘢，做盡佢。所以呢首歌係送畀所有又溫柔又風流嘅男孩子。」新歌的「親愛的沒有檢點的需要」、「點解仲偷偷摸摸」正好描述他當下的態度，無需標籤或隱藏，大大方方成為最真實又多變的自己。可以沉鬱、可以浪漫、可以型格，同時亦可以妖冶風流，這就是藍奕邦。
新作亦邀來曾為韓國女團2NE1成員李彩琳CL、美國男歌手John Legend及Neyo等合作的洛杉磯音樂人Jerry Lang II，夥拍經驗豐富的謝國維以及藍奕邦親自聯合監製，他說:「年頭我返咗溫哥華休息，忽發奇想叫住喺L.A. (洛杉磯)嘅堂妹，介紹啲相熟嘅新晉監製畀我識，佢因工作關係認識好多當地的監製同音樂人，反正廿年來 都未過自己出埠造歌，就係咁，我過咗去L.A.同Jerry困獸鬥咗兩日寫同編好《男孩子!》。」
成就解鎖與四小鮮肉拍MV
解鎖「首次出埠造歌」，當然要「玩盡佢」，新歌MV找來4位小鮮肉合作，風格充滿江湖電影的味道，身為老大的藍奕邦帶同鍾岳軒、陳威銘、 劉大澄及阿元四個「仔仔」到處去闖蕩，於台北街頭夾公仔、食冰、兜風，他更風騷坐出車外大騷妖味。他說：「好似當年我拍電影《飛砂風中轉》咁，係江湖大佬，做嘢嗰陣好狠又好風流但又可以好溫柔，我覺得呢個感覺好正。」整個 MV更特意以黑白調色，加上傳統台北街頭的影像，為《男孩子!》添上不羈 與優雅的復古情懷。
留言 0