無綫小花戴祖儀緊貼網上風潮，成日都會跟風拍唔同Challenge片，今次佢就分享自己同友人玩「雞challenge」嘅影片，並留言：「美顏是個好東西～冇乜事我都係繼續執嘢了～」片中見戴祖儀身穿卡通圖案Tee配牛仔褲，又似乎係素顏上陣，披頭散髮咁同友人扮雞，期間二人模仿雞嘅左右搖晃Chok頸動作，又不停甩動頭髮發癲，戴祖儀亦貫徹平時玩得形象，絲毫唔介意自己凌亂髮型及形象，玩得盡興。
唔少網民睇完片都提醒佢咁樣玩好易撞爆頭，亦有機會引起頭痛、扭傷頸等問題，更有網民指佢哋咁玩係有機會因搖晃症而「死人」，不過都有網民配合佢留言：「雞！全部都係雞！」」、「兩個瘋女子」、「玩到咁癲」。
東網網站 : https://on.cc/東網Facebook專頁 : https://www.facebook.com/onccnews/
留言 0