近日有傳無綫高層變動,傳聞林家棟相隔22年後回巢出任製作部高層,後來無綫更發聲明否認,林家棟今晚(19日)與導演李子俊及監製鄭保瑞等人出席《第八個嫌疑人》電影首映禮,親自回應回巢無綫做高層一事,他直指無綫有人叫他回去演出,但出任高層一事就「問都冇問過我」,還笑說:「就嚟遲啲傳我做特首啦!係就係,唔係就唔係,傳就唔好當真啦。」
林家棟近日被指回巢出任無綫高層一事,他直言自己聽到傳聞,收到記者的訊息時也一頭霧水,「我收到好多風,我都未證實到喎!問都冇問過我,我都唔知點答!」他笑言多年來吹過不少風,天下一電影也曾找他,他表示不排除任何可能性,「只不過是真係先講啦!」
對於與無綫的關係,林家棟承認無綫有跟他聯絡,但只叫他參與演出。被問到有否興趣回巢做高層,他稱對任何崗位都有興趣,連攝影師都想做,而現階段他專注搞劇本,跟導演傾合作。「我自己喺公司都有管自己嘢,都有自己同事,我都有少少經驗,但係唔係一定要去個機構呢?我就唔會一定講『得㗎!得㗎!』,我唔敢講囉。」
對於無綫前高層何定鈞向傳媒表示,他回巢出任高層,林家棟說:「何生真係呀!嗰個又講,阿姐又講,你哋鍾意講就講無得制止,而家專注工作先,呢刻無收過任何野,只收到風,出面吹過下啦!咪由得你吹囉!而家睇下監製同導演幾時搵我拍《第九個嫌疑人》,大家唔使咁認真。」