MIRROR 5周年邀MIRO入迪士尼　票價$1680一日吸金2000萬

今年11月，就是MIRROR成軍踏入第五個年頭，上年因為發生演唱會意外，4周年活動全數取消，而今年就一切復常，繼昨日（26/9）推出12子最新宣傳照後，今日便貼出MIRO專享的《Fanstastic Meet》，邀大家去迪士尼玩一日，票價為$1,680。

香港迪士尼門票已加到800幾蚊一張，有MIRROR陪玩都係嚟個Double，化唔化算見仁見智。

昨日官方社交平台貼出12位成員的5周年宣傳照，並寫上：「感恩各位『沿途高低伴我走過』。五歲生日，一定要一齊好好慶祝。你哋準備好未呢？」網頁更透露會舉辦一連串活動，而今日就公開頭炮，就係「12個他約我去迪士尼」的《Fanstastic Meet》。

這個活動名為《 MIRROR 5th Anniversary Fantastic Meet》，將於11月1日 (星期三)舉行，時間為上午10:30至晚上8:00，同大家玩足全日。要包MIRROR一日陪你玩，票價當然有番咁上下，票價一律︰$1,680一位，而樂園最高可容納約12,000人，計一計數，如果12000張門票賣晒，單單一日MIRROR便為公司帳面進帳$2,016萬，相當可觀。而門票將於10月4日（星期三）下午2時公開發售，所以MIRO密切留意。