無綫處境劇《愛‧回家之開心速遞》深受觀眾歡迎，是翡翠台收視王牌，劇中演員角色深入民心，近年亦在無綫頒獎禮屢獲獎項，包括周嘉洛、林淑敏、許家傑、樊亦敏及劉丹等，劇集更獲「萬千光輝演藝大獎」。
《開心速遞》由2017年播映至今，已播了6年多，該劇長拍長有，兼不斷添食，該劇至今已播到第1995集，正邁向2000集，年初有消息指劇集添食至2000集後，便播大結局，惟該劇監製林建祥否認傳聞，又指只要劇集叫好叫座，會繼續拍下去；對於有新監製加盟《開心速遞》，林建祥解釋自己過去2年未放過假，需要休息充電，故交由新監製幫手分擔工作。
第2000集將於6月30日（周五）晚播出，查看網上資料顯示，該集標題竟叫《大結局》，惹網民聯想，不過劇情簡介中見到該集圍繞龍氏一家，並以龍力士（鄭世豪飾）為主線。加上據網上資料顯示，仍見到有2001集及2002集的劇情簡介，正如林監製所言，該劇仍會播下去。
（即時娛樂）
留言 4
N
為拍而拍，啲劇情已經重覆左唔知幾多次⋯
偶然上奶奶屋企食飯睇到，見到啲秘書呀職員呀換左人，但劇情無變，又係三太同大小姐唔知鬥乜、三太跣人但唔成功果啲套路⋯
對上一次中秋（應該無記錯），又係上奶奶屋企食飯，又提返根叔搵腳整果啲月餅⋯⋯⋯⋯唔知今年係咪又係講根叔臭腳月餅？再唔係就講啲後輩大時大節返唔到屋企食飯激嬲根叔，要搵方法補鑊⋯⋯⋯⋯
啲劇情keep住「鬼打牆」，無限loop，橋用一兩次咪算囉！用無限咁多次，我以前真係集集睇，所以更加驚訝，大佬我無追差唔多兩年，啲劇情唔變嘅？！每次返奶奶度，就覺得好似時光倒流咁，呢集我好似睇過呀！我仲估到最後發展呀！
個編劇擺明將幾年前啲劇本攞出嚟抄，偏偏又咁多人走去睇～～～我就覺得個編劇擺明呃飯食！
2023年06月25日08:55
nw
啱啱先話有個監躉加入, 邊有咁快完！
2023年06月25日15:11
泳
無線除左東張呢套愛回家仲邊有皇牌，點捨得大結果
2023年06月25日09:26
糖糖
藍畜生，監躉楊明好快出呀
2023年06月26日05:28
顯示全部