歌手李幸倪(Gin Lee)自爆瘀事，一日內連環仆傷腳及𠝹損手，令手腳見血，認真慘慘豬。她在社交平台分享「不幸事件」經歷，「一日內，罕有地仆親隻腳損晒，未回過神又整爛嘢，返到屋企諗住入廚房整嘢食，點知𠝹到隻手指流血，好啦！嚟到呢個時刻都知道今日唔適宜郁咁多，諗住抱隻貓入房瞓覺，結果再唔小心踢到暖氣爐，踢中傷口，我同自己講，真係要瞓喺張床度唔好再郁啦！跟住發現我好肚餓，原來今日冇乜食過嘢，最後要餓住瞓覺，我係唔會再郁㗎啦！唔該有咩事聽日先算。」她並苦中所樂，自嘲這些不幸體驗很值得出post，有網民就講笑：「瞓醒又一條好漢啦！」有人就關心她是否心神恍惚才欠集中力。不過正如她所講：「瞓咗10鐘，重生」，叉足電後的Gin Lee龍精虎猛，趁農曆新年將至，分享最新電子新年貼紙，方便歌迷拜年用。Gin設計的貼紙，着到紅噹噹十分應節，她示範拜年十式「蛇年Gin Gin日上」招式，有「暴富」、「要咩有咩」和「Gin Gin日上」等相當可愛。
東網網站 : https://on.cc/東網Facebook專頁 : https://www.facebook.com/onccnews/