半山單車漢越雙白線自炒趴街　網民 : 有運咁都無車到

網上流傳一條單車漢違反交通規例自炒的車Cam片，片長22秒，片主駕車沿半山馬己仙峽道落斜，當駛至一彎位前，尾隨一名單車漢越過雙白線爬頭，他入彎時疑車速太快失平衡，人仰車翻，片主幸及時停車未有撞到單車漢，此時，單車漢疑無受傷，他自行站起，期間另一架單車亦從後飛馳而過。墮地單車漢隨即跳上車追隨前車，片段至此完結。影片中亦見到，片主前方數個車位有另數名單車漢騎，惟未知是否與涉事單車漢相識。

網民睇片後紛紛留言，「有運，咁都無車到」、「真心問，如果片主唔係咁慢，架車快多小小，車死左（咗）個男仔，咁片主有無事？」、「人無事可以做世界冠軍」、「轉個彎已經唔見咗，佢都走得幾快」，亦有人指摘單車漢「直路狂，灣（彎）路亡」。

東網網站 : https://on.cc/東網Facebook專頁 : https://www.facebook.com/onccnews/