今時今日，唔係話要廚藝超群，煮到識飛至可以入廚，只要肯試肯煮，人人都係大廚，之不過除咗煎炒煮炸之外，大家又識唔識燒燜煀扣等烹調方法呢？其實唔需要識晒，起碼知己知彼，學多一兩道板斧，有人問起都唔會口窒窒吖麻！
-------------------
上兩集介紹完烹調方法「燒」入面的紅燒與白燒後，今日輪到大家較為熟悉的乾燒。乾燒可以說與紅燒的烹調方法甚為相似，都是以湯汁將食材煮至入味，湯汁濃縮，而乾燒與紅燒最大分別在於不會勾芡，巧妙控制火候，讓湯汁變得濃稠，令食材掛滿汁醬，味道醇厚濃郁，常見菜有乾燒伊麵、乾燒冬筍、乾燒魚等。
自煮乾燒伊麵
材料（2人份）
伊麵 200克
新鮮草菇 6隻
韭黃 20條
蠔油 2茶匙
老抽 1茶匙
生抽 1茶匙
油、沙糖、麻油、水 各適量
做法：
1. 煮滾水，下伊麵煮至鬆散及出油後撈起過冷河，瀝乾備用。
2. 洗淨草菇，汆水後過清水以辟除草青味，瀝乾後切半。
3. 燒熱鑊，下油，油熱下草菇，炒出鮮味後下清水、蠔油、糖、生抽，以大火煮滾。
4. 下伊麵，吸收所有湯汁後落老抽調校顏色，下洗淨切段的韭黃，下麻油即成。