罕晒甜蜜合照　余香凝同有米老公拍拍拍

藝人余香凝上月下嫁40歲有米男友陸政渡（Tim）正式成為陸太，即將迎來成為人妻後的第一個聖誕節。

今日佢喺社交網放閃，除咗甜蜜晒出老公的視角，更激罕騷出老公Tim個樣！兩夫妻趁聖誕前夕到酒店撐枱腳，更以黑色情侶裝上陣，席間互相用相機拍照，相當Sweet！飯後，兩夫妻一同到外面散步，喺人造飄雪下，手拖手感受節日氣氛，認真浪漫。好多網民指余香凝手上嘅鑽戒非常搶鏡！

余香凝留言冧老公：「之前講好今年年尾去睇雪，但係因為疫情冇得去，竟然！喺香港都睇到雪！其實只要同愛嘅人一齊，無論去邊，點樣過，都好開心好浪漫」。

東網網站 : https://on.cc/

東網Facebook專頁 : https://www.facebook.com/onccnews/