去旅行除左要plan行程、諗下去邊度食好西之外，交通都係一大難題！自駕遊又麻煩，想去遠啲冇車又唔方便！如果你去東南亞地區，好似泰國就唔洗頭痕喇，有個好實用嘅call車app好方便！
去旅行一落機，就已經攞住個大喼，搭公共交通工具，真係好唔方便！
宜家去泰國或者東南亞地方就唔駛頭痕喇！用呢個叫「Grab」嘅app就搞掂喇！
呢個app好似喺香港call Uber咁，call的士都一樣得！
小編整理左簡易教學，一用就上手！
《登記》
1.download grab app之後，可以透過Facebook、Google account或者手機號碼登入。
2.入左之後，要再入手機號碼登記。Grab會傳送4個數字嘅確認號碼，入左就成功登記嫁喇！
（建議預先喺香港登記左先；如果唔係，就記得買張有得打電話嘅儲值卡方便登記喇！）
成功登記就會見到呢個版面嫁喇！
《call車》
1.打開app之後，會直接出現嘅呢個版面。
開左定位之後，Grab會自動搜尋所在位置，即藍圈顯示嘅地址。
而紅圈位置就輸入目的地地址。
2.Grab就會顯示車費要幾多，㩒「book」就call車。
3.成功call到車，佢就會顯示司機頭像同車牌號碼，都會喺地圖顯示司機嘅位置，俾大家知道司機喺邊到嚟接你！
真係登記同call車都好簡單，而且仲有好多項目可以揀！
大家可以call普通私家車之外，仲可以call的士、電單車等等，某啲地方仲可以揀call 6人車、9人車添！
唔止咁呀，你可以揀俾cash或者card；㩒option呢個制仲可以留訊息俾司機嫁！
除左Grab Taxi之外，Grab car都係以劃一收費，所以幾個人share會抵啲，小編建議3個人或以上就比較抵喇～
咁方便又咁好用，記得去東南亞就預備呢個app喇！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0