曾經,方力申同鄧麗欣十分愛,滄海桑田,10年感情未能開花結果,可惜可惜!現在女方已搵到佢嘅王子(邱勝翊),男方仍孑然一身。其實當年有傳分手原因係第三者介入,但當事人都予以強烈否認!到底係唔係呢?謎底今日終於喺一個音樂平台揭盅,原來「第三者」係人夫方中信!唔知莫可欣知道呢個消息未呢?
其實是咁的!某音樂平台當你輸入方力申,但就會驚變方中信,圖片就冇錯,但所有由方力申演唱歌曲都變成方中信,而小方同鄧麗欣合唱嘅經典歌《十分愛》都變成同方中信合唱,笑爆一眾網民,不過用輸入英文Alex Fong又冇錯喎!原因應該係方力申同方中信英文名都叫Alex,而大家都姓方,應該就係音樂平台中文系統翻譯搞錯咗喇!好多網民都有一個疑問,究竟同鄧麗欣十分愛嘅係方力申定方中信呢?
東網網站 : https://on.cc/
東網Facebook專頁 : https://www.facebook.com/onccnews/