提起日本特色麵包，唔少人都會諗起炒麵麵包（焼そばパン）吧！簡單講，就係將一條長形麵包中間𠝹開並塞入大量炒麵。呢款感覺分量十足兼夾重口味嘅麵包，香港食客似乎唔太青睞，但如果加入熟悉嘅味道，你會唔會有興趣一試呢？日本全國嘅7-Eleven便利店（沖繩除外）最近竟然諗到將呢款麵包推出聯乘口味，推出日清炒麵U.F.O.醬油味嘅炒麵麵包，話題性當堂爆燈！
日清嘅U.F.O.炒麵相信唔使多介紹，大家都應該食唔少，而7-Eleven呢款新推出嘅炒麵麵包，就呈現出U.F.O.嘅滋味，讓你唔使等3分鐘，即買即享受呢款即食炒麵嘅濃郁味道，再加上麵包塗有沙律醬，令味道層次感更為升呢！而網上已有呢款麵包嘅食評，不少都大讚比以前7仔嘅炒麵麵包好味，去開日本嘅朋友唔好錯過，每個售價為159日圓。
網址：https://www.sej.co.jp/products/bread2003.html
東網網站 : https://on.cc/
東網Facebook專頁 : https://www.facebook.com/onccnews/