人多食乜拗爆頭，不如試吓盆菜
盆菜係中國廣東一帶以及香港新界嘅傳統大雜燴美食，已經有幾百年歷史，唔同地區都有各自特色。作為喜慶、過節嘅菜餚，盆菜用料包括多種食材，為滿足各階層食客，價格亦有平有貴。除咗四季盆菜、忠誠盆菜館、萬里緣盆菜呢啲老牌店之外，DailyView用網路大數據幫大家調查咗以下9間高人氣嘅盆菜店，你仲唔快啲寫入2020必食名單？
DV小教室：網路溫度計透過《KEYPO大數據關鍵引擎》，觀測、爬梳港澳地區近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。
9 盆滿缽滿（115筆）
盆滿缽滿盆菜到會專門店位於屯門建榮街，相信唔少住新界嘅朋友都一定幫襯過，該店嘅菜色為傳統型，同時亦有唔同嘅套餐同口味供食客選擇，包括「健康素食盆菜」、「百寶一品盆菜」、「富貴家鄉盆菜」、「金裝鮑魚盆菜」同「至尊鮑魚盆菜」，各款盆菜都有細、中、大之分，價格由$828到$3888，照顧到3人核心家庭到大家族、甚至好友聚會。
網民：「第一次試，好好食，職員同司機都好有禮貌，下次會再叫。」
image source:FB/【盆滿缽滿】盆菜到會專門店
8 鴻星食品（120筆）
鴻星食品嘅盆菜為網路訂購，以禮券形式出售，食材亦相當豐富，除咗有較清淡嘅如意上素盆菜外，仲有一品銀裝、金裝盆菜同金裝鮑魚盆菜，特別系金裝鮑魚盆菜（12人份）中，食材包括12隻30頭鮑、花膠、海參、豬手、豬脷、蠔鼓、魷魚、雞、鴨等20多種食材，真係一場美味盛宴啊！值得留意嘅係其中一款6人冬日盆菜盛宴，套餐仲包括生炒糯米飯1份、燒腩1斤、同6隻即食鮑魚！
網民：「足料好味，唔會太咸。亮點係個煲加玻璃蓋，俾貴啲都值。」
image source:FB/鴻星集團 Super Star Group
7 人民超市（165筆）
人民超市係蕭若元嘅網上購物平台，當中所發售嘅「節慶盆菜」同時兼顧傳統、方便、豐富、高人氣，4-6人份量嘅盆菜只需$688，價錢嚟講係相當吸引。睇埋食材，有鮑魚、鵝掌、燒鴨、大蝦、蓮藕樣樣有齊，份量仲有分6-8人同10-12人。購買方式亦十分方便，店內提供送貨自取服務，啱曬放咗工想即刻開餐嘅朋友，而且網頁仲有不定期優惠，有興趣嘅朋友記得留意！
網民：「蕭生，唔該encore 啦！我媽媽同老公好想食你嘅盆菜呀！」
image source:FB/人民超市 Peoples Market
6 龍門冰室（235筆）
最近半年以嚟喺網路上曝光率好高嘅龍門冰室亦推出自家限定盆菜，而細心的話會發現其盆菜嘅命名都別具含義。首先盆菜被命名為「龍門煲底見鮑魚盆菜黃」，8-10人份量定價為$1997，意思似乎係香港回歸年份，送貨運費為$50，寓意50年不變。而盆菜食材亦令人流曬口水，包括花膠龍躉燉雞湯、金蠔、鹽焗雞、鹵水鴨、花鼓、豬皮等，真係十分吸引！
網民：「好足料嘅盆菜，老細麻煩解釋點解可以咁好食，十五分鐘KO，完全唔夠喉。」
image source:FB/龍門冰室 X 香港人嘅冰室資源分享中心
5 大家樂（366筆）
香港最大連鎖飲食集團大家樂亦都推出外賣盆菜系列，分別為瑤柱福袋燒味大盆菜（10-12人份量）同福袋燒味盆菜（6人份量），用指定信用卡訂購仲有折扣優惠添！但相信最吸引咁多位為食仔女嘅一定係當中嘅福袋同埋果粒又圓又大粒嘅瑤柱，而且仲可以以優惠價$198加購紅燒竹笙貴妃鮑絲仿翅一盤，真係食到撐住個肚啊！
網民：「如果有2~3人份量嘅盆菜就好喇，但盆菜味道不錯。」
image source:FB/大家樂 Café de Coral
4 吃貨之家（405筆）
一睇店名就知道呢間店係為咗你嘅胃而存在，據聞佢地既盆菜亦相當受歡迎。呢間只做網路訂購嘅食店相信已經累積不少口碑，眼見留言詢問價錢嘅食客。從Facebook專頁影片同相片嚟睇，吃貨之家嘅盆菜滿都就嚟瀉咁濟，食材有髮菜、蠔鼓、瑤柱、大蝦、西蘭花等。而臨近喜慶節日，吃貨之家都會推出蘿蔔糕等傳統糕點，難怪咁受食客歡迎。
網民：「真係勁正勁足料！食極都仲有，個底啲腩肉仲多過蘿蔔。」
image source:FB/吃貨之家
3 杜記茶餐廳/杜記盆菜（521筆）
位於上水嘅杜記以腐乳豬扒飯令不少食客慕名而嚟，但原來杜記除咗做茶餐廳生意之外，圍村特色盆菜亦係佢地嘅拿手菜！從食客影返嚟嘅相見到盆菜分量相當大，西蘭花圍邊，仲有份量驚人既燒鴨、蠔鼓、原隻鮮蝦、白切雞等，想唔變肥仔都幾難啊！價錢方面，杜記傳統圍村盆菜分細盆同大盆，細盆$850，大盆$1250。相信杜記喺上水已經累積唔少口碑，唔好再望住個mon啦，個肚打鼓啦！
網民：「實惠價錢高質享受，有色香味的茶記實在不多。」
image source:FB/杜記茶餐廳 杜記盆菜
2 黃金圍村盆菜（980筆）
網路人氣第2高嘅係位於油麻地嘅黃金圍村盆菜，佢地嘅盆菜當然都係「肉滿滿」，但為咗照顧素食嘅朋友，佢地亦有推出「黃金上素盆菜」，由素蝦、素魷魚、素帶子、西蘭花、冬菇、髮菜等組成。而喺節慶日，盆菜店都會推出不同優惠，係Facebook亦有留言抽獎活動。如果4-5位朋友一齊食，可以揀$928，6-8人可揀$1188，10-12人份量為$1488。
網民：「材料非常入味、尤其蘿蔔、芋頭。盆菜豬手腩仔非常足料，適合喜愛肉食嘅朋友，吉品鮑是紅燒鮑，口感不錯，大盆豪華盆菜價錢，有鮑魚、螺片、帶子、瑤柱，抵食！」
image source:FB/黃金圍村盆菜1 農場盆菜之家（2108筆）
榮登最高討論度嘅係農場盆菜之家，佢以「正忠圍村人主理傳統盆菜」作招徠，而且周邊配抵食嘅燒烤放題，成功籠絡唔少為食之人嘅心。盆菜類主要分為合家歡「發財好事」同埋較貴、食材較多嘅豪華型「盆滿缽滿」，豪華型主要多咗海參、鮑魚同埋花膠，此外仲有多款串燒供食客選擇，一家大細、大班老友喺喜慶日子豪食一番！
網民：「食物新鮮又大盆，好味，叫10-12人一家人吃得津津有味，吃曬大滿足！」
image source:FB/農場盆菜之家
【以上圖文為香港網路溫度計調查結果，未經授權請勿轉載、改寫】
分析說明：
本研究資料由《KEYPO大數據關鍵引擎》提供，分析時間範圍為2019年01月09日至2020年01月08日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『盆菜』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。
留言 0