話說早前汪阿姐就開咗IG，40日就已經有成58個post，睇嚟佢好享受玩IG，佢仲創立咗「特別的tag人技巧」！
而呢種特別嘅手寫tag人法獲網民命名為「汪阿Tag」！
好多藝人都齊齊跟上潮流！陸浩、麥明詩、張敬軒、關智斌、古巨基等都紛紛用「汪阿Tag」Tag相中人。
當一眾藝人仲係用「汪阿Tag」手寫Tag人嘅時候，汪阿姐嘅「汪阿Tag」已經再次Upgrade 到「汪阿Tag 2.0」，將自己嘅心情用汪阿tag寫出嚟，例如問下大家準備好迎接台慶未。
適逢琴晚台慶，汪阿姐全晚都非常享受藝員精彩嘅表演。到黃智雯表演嘅時候，汪呀姐更連用5個「汪阿Tag」去形容佢。包括「Sweet」、「忘我」、「興奮」、「型」同埋「靚」，十分貼切，完美咁表現咗汪阿姐究竟有幾認真咁睇緊個表演。
除此之外，汪阿姐仲用「汪阿Tag」去表達佢一身名貴嘅環球珠寶首飾：「鑽石30卡，全套$800萬」！雖然張圖Cut咗少少，但都睇得出汪阿姐寫咗「靚！高貴！閃！」
阿姐更加對贏唔到台慶大獎大感可惜：「可惜拿不到台慶大獎」
阿姐果然係走在潮流尖端，將「汪阿tag」用到出神入化。
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0