內地真人騷節目《妻子的浪漫旅行》話咁快就播出最後一集，點知節目竟然播出陳小春9年前向老婆應采兒求婚嘅短片，當中更感動唔少網民！
撰文：東方新地｜圖片：影片截圖
陳小春9年前求婚爆喊片曝光
之前，應采兒喺《妻子的浪漫旅行》中已經爆料，話當年春哥求婚時喊到收唔到聲，不過口講無憑，新一集就見到節目組非常有心咁搵嚟當年陳小春向應采兒求婚嘅片！春哥同采兒坐埋一齊睇番當年嘅求婚片段，首先就播出二人細個時嘅相片。
之後鏡頭一轉下就見到當年著上黑色衫嘅春哥雙膝跪地，手上拎住求婚必須品，而身穿綠色背心嘅應采兒就企近門口掩咀而笑，非常驚訝之餘當然就帶有喜悅啦！
正當大家認為劇情發展落去梗係問句願唔願意後就禮成，點知春哥竟然只係一直跪兼口噏噏：「er……我不知道該說什麼。」，睇落有啲失威咁喎！