藝人余文樂為人熟悉是拍電影，其實他曾經以歌手身份加入樂壇，又出過唱片，歌喉本應有番咁上下，不過網上流出一段余文樂的唱歌片，被指炒車「走晒音」，片中余文樂現身內地藝術節任表演嘉賓，當日打扮官仔骨骨，灰色西裝非常有型，他一手揸咪，另一隻手插袋，擺出chok甫，不過唱歌時行來行去，歌聲與音樂又完全不夾，看見他的表情略帶點尷尬。有網民指：「余文樂家陣係時裝品牌老細，好耐冇拍戲，更加耐冇唱歌…當年首《還你門匙》好hit㗎！」、「完美演繹『只要你唔尷尬，尷尬就係人哋』，高音去唔到，又走音，音域完全一條直線，真心癲。」
東網網站 : https://on.cc/東網Facebook專頁 : https://www.facebook.com/onccnews/
留言 0