初秋到來,不少戶外音樂會相繼舉行,繼陳曉東、C AllStar公佈將會在西九舉行音樂會後,早前與MC張天賦舉行音樂會的KAHO洪嘉豪亦將於11月12至13日於西九WONDERLAND舉行兩場戶外音樂會《The Cycle Of… Kaho Hung Live 2022 》。
今次是洪嘉豪人生第一個個人演唱會,每場7000個座位,兩場戶外騷等同兩場紅館三面台的觀眾人數,KAHO表示:「第一次聽到腳都震」。他重申:「今次係我第一次個人騷,一直願望係開戶外演唱會,真心希望我屋企人,朋友,兄弟,仲有一班由細陪我長大的歌迷全部都可以在場,同我一齊見証呢個大日子,佢地無論我高高低低都係我身邊,對我來講係好重要的人!」
早前KAHO為演唱會影海報,海報構思都與《The Cycle Of….KAHO》有關。「好多嘢都係由一個循環組成,人生、愛情,我新歌《還原淚》都係講緊一個循環。今次想成個主題都圍繞開心歡樂,所以你見我身上都係七彩繽紛,但又有春夏秋冬循環縮影。」
為這次演唱會,KAHO表示上次《Frenemy》已經開始操肌,至今沒有停下來,不用開工的日子都繼續勤力操練,「唔係為騷唔騷肌,係真係覺得操咗之後,個人精神、體力都好咗好多,成個人挺直咗,好鍾意自己呢個狀態,所以會一路keep住。」KAHO笑言今次「要堅強少少」:「唔好咁早喊囉。次次都畀歌迷感動到想喊,今次希望忍到啦。」