請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

Mil Mill 盼香港新加坡同時設回收廠 稱當地官員「好專業、好誠懇、好humble」

(獨媒報導)本地唯一紙包盒回收廠Mil Mill 喵坊不獲科技園續租,須於年底遷出元朗創科園。創辦人葉文琪今早在電台稱仍希望可在原址營運2至3年,無縫交接2025年運作的環保園紙漿廠,期間可另覓地方或思考去向。他又指新加坡亦有意發展回收業,去年已開始與對方洽談,原本更打算於港新兩地設廠,並大讚當地官員「好專業、好誠懇、好humble。」

對於獲新加坡邀請設廠,葉文琪今早接受商台《在晴朗的一天出發》澄清「大家都有啲誤會,唔係話我哋唔做香港過咗去」,重申希望在兩地均能設廠。他指去年已與新加坡商討,現時仍在策劃階段,指新加坡看中Mil Mill 喵坊的回收經驗,認為很值得參考,今年亦曾到當地視察廠房。被問及兩地官員的態度,葉文琪沒有評論港府,僅稱:「我淨係講新加坡嘅官員俾我哋感覺好專業、好誠懇、好humble。」

盼至少原址營運至2025年

環保署曾稱對事件不知情,亦計劃於2025年建成屯門環保園紙漿廠。葉文琪坦言仍希望在原址營運2至3年,填補紙漿廠落成前的真空期,「養成呢個(回收)習慣後突然斷咗,對大家都係打擊,嘥晒大家心機。三年之後係咪可以pick up 返?其實有個大問號。」他又認為,可以利用該段時間另覓合適的土地或思考重新出發。

Mil Mill 喵坊於2019年正式開幕,葉文琪強調「我哋一早講咗最少要6年,如果3年係冇辦法做到」,科技園當時稱短期租約規定只限3年,但園方口頭上指如無大問題,3年後可順利續租。他透露,當時有兩名科技園職員負責聯絡,其中一人已離職,另一人則仍在科技園工作,「希望同佢傾一傾」,但至今未聯絡到。

葉文琪又稱,去年完約曾商討續租,園方以策略改變為由,稱不能每3年續約,只可每年續租,並表明「最好搵定地方」,「但坦白講我哋投放咁多資源,我哋都問佢:『係咪真係唔續得?』佢哋又冇一個肯肯定答覆。」他指現時已終止一切新發展,包括引進機械研發貓砂。

創辦人:已拒絕環保署建議 從沒想過退出香港

環保署之後亦建議Mil Mill 喵坊申請另外三塊土地,葉文琪稱已回覆不適合,並指對土地有一定要求,包括可容納逾兩層樓高、有一定重量的機器,用電量亦十分大,「根本冇可能運去長洲,昂船洲太細啦,柴灣係現時租金三倍。」

他指已投資約1,000萬,強調並非要「賴死唔走」,「但係我覺得要合理,尤其是當日我哋絕對冇共識只係租3年,作為一個咁大嘅投資,我相信冇人咁講3年一定得。我唔係炒炒賣賣,我嗰啲嘢係揼石仔,真係一個個紙包盒收返嚟。」

葉文琪又指已作最壞打算另覓土地,重申希望有較長的寬限期,無縫交接環保園紙漿廠。對於元朗廠房限於12月31日前遷出,他就表明遷出前3個月必須要停收廢紙,預留時間清拆機器,「可能係掉㗎啦,先當廢鐵」,慨嘆「我哋係嘥咗個心機」。他又指早於2009年已從事回收業,尚有其他業務,從沒想過退出香港,「最多係唔做回收紙包飲品。」

查看原始文章