湯怡為蛋糕店請全職成肚火　嬲爆反問：想唔返工都出糧？

藝人湯怡依家要兼顧演藝事業與餅店生意，佢就感嘆過唔夠時間用，估唔到依家佢連請人都一肚火。早於兩年前，湯怡就已經開始招聘全職及兼職初級西式糕點師和店務員廣告，貼文亦列明員工每月可享有6日假期及12日有薪年假。不過近日湯怡再出Post為蛋糕店請全職員工，並喺同網民玩「你問我答」時討論請人問題。有網民就建議：「如果一個月有8日假，可能會多啲人申請！」不過就似乎激起湯怡把火，嬲豬回覆：「最好係唔使返工都有糧出 對不對？」亦有網民亦呻同樣請唔到全職員工，湯怡回覆：「懂我的人 自然會懂。兩位全職員工都好努力幫我搵人 好感動」睇嚟佢今次請人都好頭痕，令佢忍唔住要同網友大呻特呻。

東網網站 : https://on.cc/東網Facebook專頁 : https://www.facebook.com/onccnews/