【陳柏宇演唱會最後召集】陳柏宇獲黎明爆金句力撐夠努力！

【陳柏宇演唱會最後召集】《FWD 富衛保險呈獻：陳柏宇 Fight For _ Live in Hong Kong Coliseum》於昨晚假紅磡香港體育館舉行首場演出，這是陳柏宇（Jason）相隔4年後再於紅館舉行個唱，「你為了甚麼而奮鬥？」，Jason說：「呢3年轉變好多，大家都經歷好多唔同嘅嘢，但呢3年教曉我一樣嘢，面對無常，我哋可能隨時會失去，所以一定要時刻珍惜，時刻Fight For、守護你所擁有嘅一切，做人除咗要對得起自己之外，仲要對得起你愛同愛你嘅人。多謝今晚嚟到呢度，聽我唱一晚歌，係你哋令到我珍惜、Fight For每一次上舞台嘅機會，係你哋每一個人令到陳廣偉成為陳柏宇，沒有你，我甚麼都不是。」

Nowhere Boys擔任第一組嘉賓，並合唱〈無處遊人〉及〈時機〉兩曲，來到Encore環節，他邀請了同樣是爸爸的黎明（Leon）擔任第二位嘉賓，而Leon因為看Jason不斷奮鬥，所以也深深被感動而前來支持他，不過Leon一出場即搞笑道：「我做呢行咁耐有個諗法，只要我早到，運氣就唔好。今日話我9點半出場，但而家10點20分，唔緊要，唔關你事，你表演緊邊關你事，不過9點40分時我問工作人員大約幾點出場，點知7個工作人員走晒！跟住有工作人員話遲咗5分鐘開Show，但係5分鐘冇理由爭咁遠……不過唔緊要，做我哋呢行係咁，呃呃氹氹就成世。」這時Jason聽到已經哭笑不得，不過Leon此時爆出金句：「通常講老實說話就係朋友，呃你嗰啲就係摯友，因為你察覺唔到，但慢慢就會一定同你講真心說話，呢啲先係摯友。」Leon更說：「不過我喺後台聽你唱歌，音質好、聲Keep得耐，仲咁好聽，所以原本想叫你加油，但唔使喇，Jason好加油，想叫你努力，都唔使，Jason好努力，總之就係一個好好嘅歌手。」接著二人便合唱了〈越夜越有機〉，掀起了全晚的高潮。Leon的出現為觀眾帶來了驚喜，Jason之後再連唱〈I Miss You〉、〈霸氣情歌〉、〈你瞞我瞞〉、〈別來無恙〉、〈黑馬王子〉及〈永久保存〉，以滿足一眾觀眾，演唱會也在此圓滿結束。