【港姐】出爐冠軍生日願望成真 謝嘉怡決定留港發展

謝嘉怡以大熱姿態奪得《2020香港小姐競選》「最上鏡小姐」成為雙料冠軍，可說是實至名歸，謝爸爸更在現場直擊女兒戴上后冠。
謝嘉怡生日願望成真，她表示好開心拎到獎：「未諗過會得冠軍，好驚喜，搞到我都行錯路行了落台。冇想過有名次，只想有一次寶貴經驗。」謝嘉怡稱原看好廖慧儀，可惜對方五強不入；她又自言原本抗拒返香港，但現在決定留香港發展不回蘇格蘭，媽咪亦會來港照顧她。
提到在台上自爆「未識行爹哋已想她選港姐」，問爸爸可有其他願望？謝嘉怡笑言：「冇啦！爸爸自小要我學跳舞、藝術同唱歌，都係想我選港姐。（你講話令台下所有人大笑有何感受？）令大家開心就好，大家開心我都開心。」她又笑言想食排骨飯、燒賣魚蛋等慶祝。