現年55歲嘅型佬黃德斌,同細佢16年嘅圈外女友Joyce Wong拍拖13年,早前兩人秘密入紙申請註冊結婚,昨日與Joyce於金鐘一家酒店低調舉行註冊儀式兼結婚酒會,恭喜晒呀!
撰文:東方新地 |圖片:新傳媒圖片
55歲黃德斌迎娶女友
黃德斌早年公開講過想事業有成後,先至迎娶女友,佢哋原來早前秘密入紙申請註冊結婚,德斌接受傳媒訪問時透露,覺得是時候結婚,佢仲話求婚必需要有戒指,但唔會擺酒以及度蜜月,只是同屋企人食餐飯,希望婚事低調同簡單!
昨日,黃德斌於金鐘一間酒店低調舉行註冊儀式兼結婚酒會,據知酒會以自助餐形式進行,一對新人 以「紅白藍」情侶裝便服現身,場面相當溫馨!