話說財經事務及庫務局常任秘書長（庫務）劉焱日前出席財政預算案記者會時，戴咗一個粉紫色嘅「Savewo救世」口罩，事後更有報章報道質疑佢戴「港獨」口罩，因為嗰個口罩商標類似「51」字樣，但財庫局回覆查詢時就話，劉事前唔知情，如果知嘅話一定唔會買咁話。
局方指劉事前並冇留意口罩牌子，亦都唔知會有人認為有呢種含意，如果唔係一定唔會買或者使用。
翻查資料，「Savewo救世」曾經喺舊年12月透過社交專頁解釋商標意思，指商標取自英文字母「S」、「W」，換言之同「51」無關啊。之但係該口罩商就喺曾被警方以涉違《港區國安法》封網嘅網站「香港編年史」簡介為「黃色商家」，咁商標係咪真係冇其他意思，真係只有商家自己知啦！
東網網站 : https://on.cc/
東網Facebook專頁 : https://www.facebook.com/onccnews/