鄭中基發聲教「門字部」發音！「冚配家橙，闔配家辣」

2021年轉眼明天已是10月天，好快又有得睇賀歲片！由吳君如監製、鄭中基、梁詠琪及呂爵安（Edan@mirror）主演的賀歲片《闔家辣》釋出先導預告，不過就未見多位主角樣貌，而是由Ronald率先發聲。

君如繼《媽媽的神奇小子》後，緊接2022年推出最新賀歲片《闔家辣》。在電影先導預告中，雖然未見主演現身，但鄭中基無厘頭鄉音發聲教學，以獨門鄕音一詞一語給大家解構「闔」字説。

鄭中基在30秒預告片中教學：「門字部嘅字，相信大家都好熟悉，今日就等我教大家好多人都讀錯嘅字，同樣係門字部，入面有個去字，然後下面放個皿，（發音）洽、盒、合、俠、峽，《闔家辣》，唔係冚家辣，冚係配家橙，闔配家辣。」