今晚(7月1日)播出的一集ViuTV《21克公寓》邀請到已故藝人陳積榮(Jeff)的未婚妻李凱淇(Lillian)分享走出摰愛離世傷痛的經歷。
已跟Jeff交往10年的Lillian回憶當時得知男友患上末期癌症仍不禁落淚,同時亦學會釋懷:「我同佢之間好似互相成就對方。展覽有好多元素係我哋一齊準備,有少少覺得係命中注定要去做呢件事。」她指為Jeff舉辦的展覽帶給的力量足以蓋過悲傷。
Lillian指舉辦展覽是因為原本與Jeff的婚禮會以一個展覽的形式進行,所以在他逝世幾日後就已經著手去籌備。她表示沒有想過會有如此大的迴響:「當初只係單純地想完成呢個心願,完成咗就已覺得放低咗。可能展覽反映咗好多人嘅內心世界,提醒佢哋好多說話都仲未同愛嘅人分享。」
二人之間的連結令到小儀亦不禁落淚:「因為Jeff一直最唔放心嘅係你,所以臨尾辛苦咗10個鐘都唔願離開。佢擔心你一個人會唔得,所以其實最後嘅3個月,佢就係用嗰個力量同你一齊去行。我感覺到個力量有幾強大。呢個就係嗰個原因,令到呢件事以外嘅人都感受到你哋好真嘅愛同重量,所以個震撼咁勁。」
Jeff在逝世前曾創作了一首歌《記住我們》,本來為送給Lillian的求婚曲,但可惜未能完成。於是,Jeff的朋友及後就找了C AllStar幫忙。安仔指當時一知道背後的故事,成員們都馬上一口答應。在節目中,安仔更與Lillian一同演唱Jeff創作的求婚曲《記住我們》。