「民歌王子」區瑞強（ Albert ）昨日（18日）為代言產品拍攝廣告，他表示已有多年未有為產品做代言，對上一次已是40年前，當時亦唱了廣告歌《相識在童年》，身為DJ的他指聽眾會相信你的說話，因此有一定社會責任，代言的產品一定要親身試用，覺得合適才會擔任代言，故多年來很少出任代言人，他又指作為DJ腦部轉數尤其重要：「因為日日都講嘢，講咗幾十年，唔好話停，轉數一慢都大件事。」他指自己在電台開咪時通常也沒有稿，全靠邊想邊講，故很注重腦部健康，會從飲及運動方面着手：「平時除咗食補腦Supplement，做運動都會揀要用腦思考嘅，例如打高爾夫球。」他笑言自己已訓練到腦部無時無刻也保持轉速，預備隨時都可以滔滔不絕沒冷場：「譬如揸緊車聽到首歌，會諗吓做節目嗰陣點樣介紹佢好呢？我連發夢都好多嘢諗㗎！」他指雖然並非完全清晰，但通常都會記得夢境，笑言經常會夢到自己大頭蝦忘記帶東西，或許是潛意識在提醒他謹記事情。
東網網站 : https://on.cc/東網Facebook專頁 : https://www.facebook.com/onccnews/