梁祖堯不時瞓身支持經營困難的小店,除了在社交平台免費宣傳,甚至會現身當店長。梁祖堯昨日(5月8日)領軍,以嘉賓身份與黃秋生、趙學而、徐天佑、湯駿業、梁祖堯、陳俞希(Hailey)及蔡瀚億(BabyJohn)出席位於銅鑼灣的壽司店開幕禮。
對烹調飲食相當有要求的梁祖堯,會到處發掘香港不同角落的美食,而其飲食節目《空肚講宵夜》多年來吸引不少粉絲追隨,並跟隨其腳步到不同食店支持。昨日梁祖堯就聯同趙學而、Hailey及BabyJohn等好友,來到銅鑼灣感受新鮮食材、真誠的味道。
仗義兼任活動司儀的祖堯透露,秋生是該店試業以來最多次數幫襯的常客之一,秋生在訪問中表示:「近年開始控制飲食,少食澱粉質及肥肉等,屋企人食得更清淡,所以較少機會親自下廚,經常會外出用餐」。
由長期客戶身份演化成好朋友梁祖堯說:「見兩位年輕爸爸咁勇敢喺銅鑼灣開舖,作為好朋友冇辦法唔身體力行撐佢哋,我哋做到好朋友因為大家理念相同,其中一個很大的理念是美食是用來連繫人與人之間關係,美食可以分享快樂時光,而且不需要昂貴價錢就可以分享美食,我覺得佢哋好勇敢,用抵食價格喺銅鑼灣經營,畀多啲選擇大家,呢一點係令我好感動,好想幫佢哋推廣。」
BabyJohn說:「之前未開關可以喺香港一解思念壽司之情,依家復常又可以喺市區食到平、靚、正嘅日本嘢!」Hailey透露,曾跟祖堯及BabyJohn考慮合資開食肆,但因為三人各有原因擔心會蝕本,她笑言:「阿祖鍾意請人食飯,我驚飲晒公司啲酒,BabyJohn計數叻都未必處理到盤數。」