根據德國圖片報消息，德國時間星期四凌晨慕尼黑警察巡邏車截停一架黑色林寶堅尼，而車上司機就係拜仁左閘阿方素戴維斯。
當警察同戴維斯進行對話期間，警察聞到戴維斯身上有酒味，之後戴維斯就被要求去警署進行酒精呼氣測試，而測試結果就係有0.6%酒精濃度🙃
消息指當地如果被驗出0.6%酒精濃度係違法行為，但唔係刑事案件，而戴維斯有可能被罰款500蚊歐羅同禁止駕駛一個月。如果司機仲係拎住暫准駕駛執照（P牌），咁就要求參加駕駛改進課程，同時延長暫准駕駛執照去到四年。如果再次發生，相關部門將會要求進行醫學心理測試😶
消息仲話戴維斯暫時都仲可以繼續揸車，戴維斯仲係當地時間星期五揸住拜仁贊助商奧迪(Audi)嘅跑車返到球隊訓練中心，呢位加拿大🇨🇦球員之後好似平時咁樣參加球隊訓練，而拜仁將會係今晚作客多蒙特上演德甲國家打吡🙂
▼Follow足球仁
Instagram: https://www.instagram.com/football_yern/
留言 0