黃子華97年訪問片段被翻出　大談政治環境：麻木係生存本能

黃子華主演電影《破．地獄》上周正式上映後評價、票房雙收，由昔日票房毒藥變成靈藥，網民回帶他過去的演出，連帶在1997年接受《鏗鏘集》訪問的片段亦再次出土，節目當年探討黃子華棟篤笑受歡迎的原因，他在節目中大談97回歸及民生議題，不少留言感慨表示簡直是神預言。

黃子華90年代憑連場棟篤笑大受歡迎，他在台上經常提及民生及政治議題，貼地的演出引發觀眾共鳴，他在1997年接受《鏗鏘集》訪問，該集節目主題是《夫子自道》，一開始就節錄了他在楝篤笑提到鄧小平逝世，而朋友卻更關注股市受影響的片段，多段今日看來是難以想像的大膽內容，他當時在節目中解話：「香港係一個經濟嘅城市，我哋經濟動物咁樣，咪隨住經濟潮流轉變，咁樣進入另外一個政府咁樣。其實轉變，但我哋本質係冇變。」他形容有方法賺到錢，香港人就會一窩蜂去做：「郵票（炒得起）？寄信都唔黏郵票嘅人都去買郵票啊。炒樓，任何人賣緊咸鴨蛋嘅都去炒兩層，有錢搵就得。」

另外，節目隨黃子華走到他成長的深水埗街頭，他解釋會去旺角、深水埗，看不同的生活形態，雖然不能過所有人的生活，但透過觀察會貼近一點，感覺很好，他表示：「人類都係傾向麻木，唔係淨係香港人嘅問題，基本上人類本身傾向於保護自己，咪麻木多啲囉我覺得。而香港呢個環境，就覺得更加需要多啲，所謂嘅麻木，包括好多嘢，例如良知、公義，某程度麻木係生存嘅本能。」

之後節目組又與黃子華前往旺角，他自言喜歡到這些地方，全因可以看到很多荒謬的東西：「唔係表示我好不滿呢度，係荒謬啊，人竟然可以喺咁嘅環境生存，嗰種感覺唔係話咁差㗎，而係咁都得嘅？」他補充認為香港這個城市充滿咗咁都得』的事物，荒謬又有趣。

節目中節錄多段棟篤笑《秋前算賑》的片段，黃子華坦言該騷是他唯一做的政治騷：「97前作為一個英國殖民地，受教育長大嘅人睇翻歷史，你點可以喺呢個時間，如果你要做一個騷嘅時候，點可以唔講呢樣嘢。」