東源號一站式辦年貨 鹹甜糕點 糖果 角仔 應有盡有

話咁快農曆新年又就快到喇，賀年嘅糖果糕點當然唔可以少啦，究竟點樣揀先至精明呢？今日就等我 小麥 麥卓華 同大家介紹下啦！
為食嘅我，鹹味嘅糕同甜味嘅糕都一樣咁鍾意食。不如講吓鹹味嘅糕點先啦，新正頭食糕點呢就寓意步步高升，最受歡迎嘅就應該係蘿蔔糕喇。蘿蔔又叫做菜頭，諧音「彩頭」當然成為吉祥嘅首選啦。當然啦，芋頭糕、馬蹄糕都一樣有步步高升嘅寓意，不過要搞搞新意思，就不妨試吓呢款發財好市茨菇糕，同埋銀魚沙葛糕喇！ 有髮菜，又有蠔豉，加埋個慈菇椗，寓意就盡在不言中，而銀魚沙葛糕就用咗上等海味做材料，口感新鮮得來又矜貴，絕對係潮流嘅指標！
講到甜嘅年糕，我就當然有好多好選擇啦！年糕，年糕，如意一年比一年高，當然仲要甜甜蜜蜜！今年五種口味嘅年糕，包括奶皇年糕、三色年糕、薑汁年糕、紅棗年糕、發財年糕等等，總有一款啱你嘅口味㗎！
除咗年糕，每一年屋企我都會擺唔同嘅賀年小食，一來攞意頭，二來朋友嚟拜年可以一路傾偈一路食！以前細個好多嘢都會屋企自己整，不過今時今日，無論角仔定笑口棗，已經現成有得賣，仲整得非常好食㖭啊！ 角仔嘅外型似金元寶，擺多啲喺屋企，當然可以家肥屋潤啦！笑口棗就更加唔使講喇，喻意一家人笑口常開！ 除此之外，我都會揀埋牛耳、太妃糖同埋夏果松仁藍棗糖等等，屋企嘅全盒就可以常滿啦！
要買齊以上咁多嘢，其實唔使一間一間舖頭咁行嘅，連續11年榮獲香港著名品牌嘅東源號，就可以一站式喺網上或者實體店訂購喇！唔只咁喎，想買埋賀年禮盒送俾親戚朋友？睇埋佢哋嘅元寶鳳梨酥同埋千層糕啦！我就要辦年貨喇，希望你鍾意我今日嘅介紹啦！
東源號網站：https://www.tungyuenhocoltd.com/