《香港式離婚》黃子華自爆台上飲真酒　笑觀眾掌聲大：有文化先做到

一連58場、由黃子華及劉嘉玲主演的舞台劇《香港式離婚》昨日（13日）開鑼，首場吸引多位娛樂界名人包括梁朝偉、林青霞、張叔平、古巨基、梁詠琪、張繼聰、謝安琪、蘇施黃、金燕玲、蔡一智、袁詠儀、周汶錡、上山詩鈉、丁子高、王大陸、蔡施貝、陳志雲、導演何爵天等現身捧場，星光熠熠。

尾聲導演陳淑儀、編劇黃詠詩及一眾演員上台謝幕，黃子華感謝現場觀眾看得投入：「我覺得我哋做舞台劇，好少會喺演完一場戲嘅時候聽到觀眾拍手掌，有啲似『大戲』feel，係有文化嘅觀眾先做到！」他又指自己為了這部舞台劇做了兩件很成功的事：「我呢世人好少做嘅，就係Sales推銷員，而我係成功Sell咗呢部戲畀劉嘉玲。」 他憶述最初與劉嘉玲相約見面，一邊飲茶一邊傾：「我哋一路飲茶，我就一路對住佢狂講『呢套戲好睇呀！好睇呀！好睇呀！』，然後再利誘佢演呢部戲唔使戒酒，因為我哋喺台上都有得飲！」一旁的劉嘉玲笑不攏嘴地說：「好成功呀，呢個Sales。日日都有得飲，真係好開心！」子華隨即展示手上的威士忌鐵盒：「係真酒嚟㗎！大家唔使緊張，出面有得賣（指舞台劇紀念品）。」大騷推銷功力，更即時Sales上身，黃子華高舉威士忌鐵盒說：「你哋今日睇咗《香港式離婚》， 但《香港式離婚》真正嘅味道係點呢？ 我今晚做完Sales喇，多謝大家！」

《香港式離婚》故事發生在一間專辦離婚的事務律師行，黃子華飾演的律師行老闆 CK 跟劉嘉玲飾演的律師太太兼拍檔 Laura結婚多年，卻貌合神離，CK與年輕見習律師產生微妙情愫，一直在沉默婚姻中的老闆娘如何自導自演下去？在法律與婚姻之間糾纏着六個現代男女的悲歡離合，叩問天長地久。