首度與馬德鐘合作！陳貝兒密密做開工度過情人節

藝人陳貝兒農曆年間留守內地工作，除大年初一透過視像與家人拜年外，亦有「放假」到上海主題樂園耍樂，她於社交網晒出充滿童真的靚相並留言：「今日咩都冇做，就盡情做番個細路﹗」讓自己叉滿電後，再為緊接繁忙的工作檔期而加油。

話口未完她已轉移到澳門，夥拍馬德鐘拍攝無綫節目以及商演，齊齊發新年財。早前被讚歌喉不錯的她，再次於公開活動獻唱，情人節前夕唱出一曲《陪着你走》，在場觀眾大讚「應節又啱聽」。她透露首次與馬德鐘合作，覺得對方相當親切與專業，令大家可以輕鬆完成工作﹕「呢排都係工作中過日子，時間好充實，情人節同元宵都要開工，但我會抽時間食湯圓。喺澳門感覺特別深，覺得同香港這麼近又那麼遠，知道呢排香港疫情好反覆，所以我都好擔心屋企人同大家，日日留意住香港嘅新聞。」

東網網站 : https://on.cc/東網Facebook專頁 : https://www.facebook.com/onccnews/