藝人區明妙經常於無綫劇集演學生，近月熱播的《奪命提示》都有她的身影，日前她受訪指早前還客串了《武林》以及有份拍攝劇集《正義女神Themis》。談到拍劇以外的工作，區明妙表示將有些短片會推出，還希望在暑假時再推出一本寫真集，但現在還在籌備中：「如果真係出到嘅話，應該係7、8月左右。（咁趕？）Plan緊，如果Plan得切就會出，如果Plan唔切就留番下一年先囉。」
不少女星曾自爆被「問價」，去年曾推出寫真的她，被問到有否被「問價」時，她直言：「都有人會問吓，但好少直接問價錢，只係會話約出街嗰啲，有收過好多呢啲DM。（點處理？）佢喺個Request入面我就冇㩒入去，但會loop到。（選擇唔去睇？）係呀，因為我喺社交平台覆工作上嘅嘢比較多。（多唔多人咁樣DM你？）我覺得唔算好多，多數都係Supportive比較多。」
東網網站 : https://on.cc/東網Facebook專頁 : https://www.facebook.com/onccnews/