無綫台慶劇《超能使者》最近熱播，今日下午網上公開全新12秒預告片，當中劉穎鏇（Tiffany）飾演的Open姐簽約成為四方娛樂經理人Tina（莊思明飾）旗下藝人，以代言人身分拍攝防曬產品廣告，以健康沙灘Look上陣，性感甫士相當誘人。
預告片中，劉穎鏇對著鏡頭除衫，只餘下藍色比堅尼，又有倒奶鏡頭，相當誘惑。監製文偉鴻直指，現實中的Tiffany是零擺甫士天分，拍攝前要找日本女演員深田恭子的寫真給她惡補，但他即場封Tiffany是「最強Body」來迎戰世界盃。
劉穎鏇表示，今次完全跟隨深田恭子的寫真集學擺甫士，又覺得深田恭子好靚，展示健康的性感，而自己在家中嘗試擺出她的甫士時，看見自己都有點怕醜。同時，她自言性格保守，私下甚少性感打扮，起初得悉要拍攝水著戲時也有點擔心。「我係缺少啲自信心，擔心各方面都達唔到大家要求。由於拍攝現場幕後人員唔少，初頭點都有啲怕醜，但拍咗大半日之後，加上大家都好保護我，好多動作都肯定真係唔會走光至叫我做，令我愈拍愈放心。」
今次是劉穎鏇參選港姐後，首次以比堅尼亮相人前。「我性格比較保守，唔鍾意騷身材，所以成件事係一個大突破。」她表示沒想過推卻這次拍攝，深信整件事有原因，因為這場戲非常重要，以牽動更加大的事情發生。「我都係拍之前早兩日先知，惟有即刻戒糖同澱粉質，果朝早只飲齋啡。」
《超能使者》稍後劇情交代她險被強姦兼挾持。「因為我嘅衣着攝唔到護墊，拍完都有少少瘀傷，但我好鍾意呢場戲，加埋以後發生嘅事，會係我哋成班人嘅起伏位，相信觀眾會有驚喜。（三點式係底線？）我覺得開場時嘅大露背戲仲尷尬，想澄清返我冇用替身，嗰個係我親身上陣，好難搵到個女替身似我咁高！」
