MIRROR於10月復工，由成員邱士縉（Stanley）首度擔正的《野人老師》由下星期一（10月3日）晚起播出。劇集講述一對教師父子以生活融入教學為理念，經營鄉郊學校的故事。
現實中是中學同學的Stanley和談善言表示，今次合作可以發揮多年朋友的默契，雙方都十分信任對方。談善言大爆Stanley在中學時期已是風頭躉：「嗰陣佢表演慾好強㗎，又參加歌唱比賽，又做社長又行catwalk，反而我就冇諗過自己會入行。」
Stanley笑指：「我成日都話自己最紅嘅時間係中學，仲紅過依家。」他笑言對於談善言會入行亦感到意外，全因當時對方性格好宅。
鄭丹瑞（旦哥）今次首次與Stanley合作拍劇演父子，大讚對方了解和用心分析角色。他笑言Stanley十分乖巧，因為第一次圍讀時就已送上MIRROR紀念品，令他十分開心。旦哥表示希望可以儲齊12子的簽名，然後在家人面前「攞出嚟威」。