3間涼皮大比併　鬥川式麻辣惹味

四川風味小食 🌟🌟🌟
以前呢個位經常轉手，
但自從呢一間開咗之後都好穩定。
川式涼皮係我大愛，
份量極多，一碗滿滿，
味道係港人接受到嘅川式麻辣，
惹味得嚟唔會辣得好難受

四川小食 🌟🌟🌟🌟
同第一間名好似
呢間喺旺中1樓
比較第一間，係偏麻
涼皮好薄身，唔會打結
吸收晒麻同辣嘅味道
不過份量偏少～

兩姊妹涼皮有限公司 🌟🌟🌟🌟
呢間兩姊妹涼皮相信鍾意食涼皮嘅都會識~
網上搜尋涼皮，都係會出呢間先
小編今次就買完喺隔離立食區試！
牛栢葉涼皮：涼皮清爽彈牙，
味道十足，配料都好多，
同平時食嘅涼皮真係唔同！