藝人高海寧(高Ling)3年前因客串內地電視劇集《三十而已》表現亮麗而登上內地網熱搜，現時她有份主演的無綫台慶劇《新聞女王》於內地熱播中，網民對她依然不離不棄，對劇中飾演記者許詩晴的高Ling讚賞不已，角色毫不掩飾自己的野心、目的，為了上位懂得利用一切機會，敢拼敢博，沒有道德、沒有情感，無所畏懼，壞得夠真誠，令高Ling再次登上內地網熱搜。
高Ling接受東網訪問時坦言：「我都有留意內地網民討論，佢哋真係好愛我個角色，喺佢哋眼中，我個角色係好清楚自己想要啲乜，有實力，識得用自己嘅優勢喺事業上拚搏，佢哋覺得呢個女仔好有野心，但實力又配得到自己野心，好有型，好似一個閃光點咁！」說到之前有一場戲她跣到何依婷「崩潰」爆喊，高Ling謂：「其實呢套劇入面冇一個人係100%正面嘅，全員惡人，大家都各自為工作拚搏，而我個角色係冇乜感情線，雖然都有不擇手段，但係個全心全意工作嘅叻女人，所以內地觀眾好鍾意個角色。」
東網網站 : https://on.cc/東網Facebook專頁 : https://www.facebook.com/onccnews/
