所有車都可以變自動駕駛？東京大學團隊開發機械人司機

自動駕駛汽車技術一直都廣受關注，更加係未來發展汽車行業主要嘅趨勢，所以有好多國家都積極研發相關科技。近日日本東京大學有研發團隊就研發了可以自動駕駛嘅機械人，方便對應各種汽車。

由日本東京大學河原塚健人研發團隊研發嘅機械人名為「武藏」，有人形雙手雙腳結構，39個關節以及 74 個模擬「肌肉」，可以模擬人類司機進行駕駛，包括轉動軚盤、踩油門、煞車、使用手煞車、轉動車匙點火，甚至打燈都做到。

武藏亦同樣配備「眼睛」，可以瞪大眼睛去查看後視鏡，透過高解像度鏡頭提供影像資訊畀人工智能系統，識別道路情況而作出適當反應，例如偵測到行人時候，可以向對方發出「危險！」聲音警示，並同時進行煞車。

不過以影像配合AI的自動駕駛技術，其實一早就被Tesla 等有推出自動駕駛嘅車廠商採用，但「武藏」就以相對更接近人嘅方式人去展現，相對較有趣。

目前「武藏」淨係可以對應 5km/h 左右嘅速度，而且未能左轉，唔知「武藏」會唔會持續進化，第日真係可以流暢揸車，而且適應任何車種呢？

科技